د پاکستان په کویټه کښې د بمی چاودنې مخه ونیوله شوه

د پاکستان امنیتی چارواکو د دغه هیواد د بلوچستان صوبې په مرکز کښې د یو بم د شنډولو خبر ورکړ.

د ریډیو پاکستان د خبر له مخې د دغه هیواد امنیتی چارواکو نن وویل چې ترهګرو د کویټې ښار په یوسړک کښې بم ښخ کړی و چې د پاکستانی چارواکو په عملیاتو سره موندل شوی او شنډ کړی شو.

د پاکستان امنیتی چارواکو څرګنده کړې چې د بلوچستان صوبې په مرکز کښې د دې بم ایښودنې د عاملانو د نیولو لپاره عملیات دوام لری.

په کویټه کښې د بلوچستان پوهنتون مخې ته د سه شنبې په ورځ د یو بم په چاودنه کښې هم لږترلږه دوه پولیس وژل شوی او لس تنه نور زخمی شوی وو.