د پاکستان وزیراعظم په وړومبني بهرني سفر کښې عربستان ته ځي

د پاکستان نوی وزیراعظم شهباز شریف به په خپل وړومبني بهرني سفر کښې سبا پنجشنبه سعودي عربستان ته لاړ شي

پاکستاني رسنیو لیکلي دي چې شهباز شریف به په دې سفر کښې د عربستان له ولیعهد محمد بن سلمان سره ملاقات وکړي او ورڅخه به ۵ میلیارډ ډالرو ته د ۳ میلیارډ ډالري پور د زیاتیدو او د تیلو د پاتې پیسو د ستنولو د وخت د زیاتولو غوښتنه وکړه.

د دواړو هیوادونو چارواکي به هم داشان په افغانستان کښې د صلحې او امنیت د ټینګولو لپاره په خپلو کښې خبرې اترې وکړي.