پاکستان د افغانستان سیلاب ځپلو ته مرسته ولیږله

د پاکستان د مرستو یوه بله جوپه د افغانستان د سفارت چارواکو ته سپارل شوې ده

په اسلام اباد کې د افغانستان سفارت وايي، چې ‏په هېواد کې د وروستیو سیلابونو له امله د زیانمنو شویو کورنیو  لپاره د پاکستان د مرستو یوه بله جوپه ورته سپارل شوې ده.

د کلید ګروپ په لیکنه یاد  سفارت په خپله ټويټرپاڼه ليکلي چې ،  د مرستو دا جوپه د جمعې په ورځ ، د دغه هېواد د بهرنیو چارو وزیر بلاول بوټو زرداري‌ له لوري په اسلام آباد کې د افغان  سفارت سرپرست، سرداراحمد شکیب ته سپارل شوې ده.

په اسلام اباد کې د افغان سفارت چارواکي وايي، چې ‏دغه مرستې به له اسلام آباد څخه د یوې الوتکې په وسېله د کابل هوايي ډګر ته انتقال شي چې وروسته به په مستحقینو وویشل شي.