د پاکستان او د افغانستان پوځیانو په یوبل سختې ډزې کړي دي
زمونږ خبریال راپور راکړی د پاکستان او د افغانستان حکومتي ځواکونو پرون په تورخم سرحدي لاره کښې په یو بل ډزې وکړې چې له کبله یې یو سرحد ساتونکی ژوبل شوی.
د افغانستان طالبانو په تیرې یکشنبې ورځ د تورخم سرحدي لاره بنده کړه او په پاکستان یې تور ولګاوه چې په خپلو ژمنو عمل نه کوي.
د پاکستان په لنډي کوتل سیمه کښې یوه حکومتي چارواکي ارشاد محمود وویل د پاکستان پوځیانو د طالبانو د ځواکونو ډزو ته ځواب ورکړ.
هغو خلکو چې د پاکستان په خیبر پښتونخوا صوبې کښې له تورخم سیمې په تښتیدا دي تائید کړه چې پرون تر یوه ساعت پورې د پاکستان د حکومتي عسکرو او د طالبانو د ځواکونو ترمینځ سختې ډزې روانې وې.
په تورخم سرحدي لاره کښې د طالبانو چارواکي مولوي محمد صدیق وویل له پاکستان سره سرحدي لاره د ګاډو د تګ راتګ او د تجارت لپاره بنده شوي ده.
هغه وویل پاکستان په خپلو ژمنو عمل نه دی کړی او د تورخم لاره هم د طالبانو د مشر په حکم سره تړل شوي ده.
ویل کیږي چې په سرحدي کښې سیمه کښې هستوګن خلک لنډي کوتل ، جمرود او پیښور ته انتقال کړې شوي دي.
