د پنجاب صوبې پخوانی اعلی وزیر په تحریک انصاف کښې شامل شو
زمونږ خبریال راپور راکړی د پاکستان د پنجاب صوبې پخوانی اعلی وزیر له تحریک انصاف ګوند سره یوځاې شو.
د پاکستان د پنجاب صوبې پخواني اعلی وزیر پرویز الهي پرون وویل چې زه د پاکستان د مسلم لیګ ګوند د قائد اعظم څانګې د صوبي پارلمان له لسو پخوانیو غړیو سره یوځاې په تحریک انصاف ګوند کښې شاملیږم.
پرویز الهي په لاهور کښې د تحریک انصاف ګوند د مشر له مرستیال فواد چوهدري سره په ګډ خبري کانفرنس کښې وویل چې زه په سخت او د ازمیښت په وخت کښې تل له پخواني لومړي وزیر عمران خان سره ولاړ یم.
د پاکستان د تحریک انصاف ګوند د مشر مرستیال فواد چوهدري تائید کړه چې د پنجاب صوبی پخواني اعلی وزیر پاکستان مسلم لیګ قائد اعظم څانګه پریښودلي ده او په تحریک انصاف کښې شامل شوی دی.
هغه تحریک انصاف ګوند ته د نویو کسانو د راتلو هرکلی وکړ.
د پنجاب صوبې پخواني اعلی وزیر پرویز الهي دغه راز د روغتیا کارډونو د بندولو په وجه په لومړي وزیر شهباز شریف نیوکه وکړه.
