دسویډن د شیانوبایکاټ په پاکستان کې دټویټر په لومړنی ټرینډ بدل شو

په سویډن کې د قران کریم د سوزولو د شیطانی اقدام پرضد د غندنو په دوام سره د سویډنی شیانو بایکاټ هشټیګ په پاکستان کې دټویټر په لومړنی ټرینډ بدل شو .

د جون په ۲۸نیټه د سلوان مومیکا په نامې یوه عراقي توکمه سویډي ښاریز په سټاک هم کې د د قربانۍ دلوي اختر  دچټیانو په لومړنۍ ورځ ددغه ښار  دیوه مرکزی جومات په وړاندې  د قرآن پاک یوه نسخه وشلوله او بیا ئې ورته  اور  واچوؤ.

دا لومړې ځل ندې چی د سویډن هیواد د بیان د ازادۍ په پلمه د مسلمانانو پرضد دغه ډول سپکونکی او شرمونکی اقدام تکراروی .تیر کال هم په سټاک هوم کې د ترکیې د سفارت په وړاندی دغه غیر انسانی اقدام ترسره شوی وو .