پاکستان کښې د غدیر د اختر دستورې
په پاکستان کښې د عصمت او طهارت د اهلبیتو علیهم السلام منونکو غدیر نیکمرغه اختر، د یوم الله الاکبر او د پیغمبر اکرم(ص) له خوا د امام علي علیه السلام د جانشینۍ د اعلان د جشن په توګه ولمانځل شو.
د ایرنا د خبر له مخې، د دغه اختر په دستورو کښې د لاهور، کراچۍ، کویټې او پیښور په شان د پاکستان په مختلفو ښارونو او سیمو کښې ویناوالو تیره شپه د غدیر تاریخي پیښه او د رسول الله حضرت محمد مصطفی(ص) له خوا د امام علي علیه السلام د امامت او ولایت د اعلان کلیزه مقدسه او محترمه وبلله او مداحیانو د دیني ترانو په ویلو او مولودي خوانیو سره د خوشالۍ دغو غونډو ته رونق وبخښه.
په نننیو درستورو کښې هم د نبوت د کورنۍ مینه وال جشنونه ترسره کوي او له اسلام او قرآن، پیغمبر ارکم او امیر المومنین علیه السلام سره د خپلې مینې، اخلاص او ژمنې څرګندونه کوي.
پاکستان کښې د امامت او ولایت میئنان د احسان د دسترخوانونو په خورولو او د شیرنیو په ویشلو سره د غدیر د میلمنو میلمستیا کوي.
عالمان او د اهل بیتو مدحان په دغو جشنونو کښې د غدیر خم د تاریخي پيښې او د حضرت علي کرم الله وجهه د ولایت او د دې مقدسې ورځې د معنویاتو په هکله ویناوې او مداحۍ کوي.
