داعش ترهه ګرې ډلګۍ د جمعیت علمای اسلام ګوند لوړپوړي مشران وګواښل
د ایرنا د خبر له مخې پاکستاني رسنیو ویلي د داعش خراسان ترهګرې ډلې چې په تیرو څو میاشتو کې یې د پاکستان د جمعیت علمای اسلام د پلویانو په غونډه کې د دوو خونړیو ځانمرګو بریدونو او دغه راز د دغه ګوند د یوه لوړپوړي چارواکي د وژلو د هڅې مسولیت په غاړه اخیستی دی، اوس یو ځل بیا د دغه ګوند د یوه لوړ پوړي چارواکي د وژلو هڅې کوي.
د داعش ترهګرې ډلې د پاکستان د عامو انتخاباتو په درشل کې د جمعیت علمای اسلام ګوند (فضل څانګې) ته ګواښ کړی او حکومت د ترهګرو فعالیتونو او په راتلونکو انتخاباتو د هغې د اغیزو په اړه سخت اندیښمن دی.
د پاکستان راتلونکې ټاکنې به د ۲۰۲۳ کال د فبرورۍ په ۸ مه نېټه ترسره شي. په دې انتخاباتو کې به د پنجاب، خېبر پښتونخوا، سند او بلوچستان څلور ایالتي اسمبلۍ او ملي اسمبلۍ شاملې وي.
د ایرنا د خبر له مخې پاکستاني رسنیو ویلي د داعش خراسان ترهګرې ډلې چې په تیرو څو میاشتو کې یې د پاکستان د جمعیت علمای اسلام د پلویانو په غونډه کې د دوو خونړیو ځانمرګو بریدونو او دغه راز د دغه ګوند د یوه لوړپوړي چارواکي د وژلو د هڅې مسولیت په غاړه اخیستی دی، اوس یو ځل بیا د دغه ګوند د یوه لوړ پوړي چارواکي د وژلو هڅې کوي.
د پاکستان خبري سرچینو خبر ورکړی چې د داعش د خبرداري په عنوان سره په دې لړ کښې اعلانات د باجوړ ښار په شمول د پاکستان په شمال لویدیځ کښې د قبایلي سیمو په ځینو برخو کښې لیدل شوي دي.
مولانا فضل الرحمن د جمعیت علمای اسلام ګوند مشر دی او ټاکل شوې چې په راتلونکو ورځو کې د پاکستان او افغان طالبانو د حکومت ترمنځ د منځګړیتوب په هدف کابل ته سفر وکړي.
په پاکستان کې د ترهګریزو بریدونو له پراخې څپې وروسته د دواړو هېوادونو اړیکې ډېرې ترینګلې شوې او اسلام اباد پر کابل تور پورې کړ چې د افغانستان په خاوره کې د ترهګرو ډلو پر شتون سترګې پټوي.
