آصف علي زرداري د پاکستان د ولسمشر په توګه وټاکل شو

آصف علي زرداري د پاکستان د پیپلز او مسلم لیګ نواز ګوند مشترک کاندید د پاکستان د څوارلسم ولسمشر په توګه انتخاب شو.

له ده سره دې سیالۍ ته محمود خان اڅکزی د سني اتحاد شورا له لورې چې د عمران خان تحریک انصاف ګوند یې ملاتړ کوي ولسمشرۍ ته کاندید وو.

آصف علي زرداري د پارلمان ۲۵۵ رایي واخیستې او محمود خان اڅکزي ۱۱۹ رایي خپلې کړې.

آصف علي زرداري په ۲۰۰۸ میلادي کال کې هم د پاکستان ولسمشر شوی وو.