د ایران او پاکستان ترمنځ د ملګرتیاوو پر پراختیا ټینګار
د پاکستان د هوايي ځواک قومندان، په اسلام آباد کې د ایران د اسلامي جمهوریت له سفیر سره په کتنه کې، له ایران سره د دوه اړخیزو ملګرتیاوو د پراختیا لپاره د پاکستان پر چمتووالي ټینګار وکړ.
د ایرنا د خبر له مخې؛ په اسلام آباد کې د ایران سفیر رضا امیري مقدم او د پاکستان د هوايي ځواک قومندان جنرال ظهیر احمد بابر، د دوه اړخیزو ګټو او سیمه ایزو بدلونونو په اړه د نظر تبادله کړې او په ښوونیز ډګر کې د دواړو هېوادونو د هوايي ځواکونو ترمنځ یې د همکاریو پر پیاوړتیا ټینګار وکړ.
امیري مقدم په دغه کتنه کې، د ایران او پاکستان د دوه اړخیزو پوځي اړیکو په لا پراختیا او په تېره بیا د ښوونې او روزنې او فضايي همکاریو په برخو کې پر خپل ژمنې باندې د ټینګار ترڅنګ، په راتلونکي پړاو کې د"سپر انډیز - 2024" نړیوال تمرین لپاره د ایران د اسلامي جمهوریت لیوالتیا څرګنده کړه.
په دې کتنه کې په اسلام آباد کې د ايران سفير همدارنګه جنرال ظهير احمد بابر ته د "ايران هوايي شو" نندارتون کې د پاکستان د هوايي ځواک بلنه ته وړاندې کړه چې د پاکستان له لوري يې تود هرکلى وشو.
د پاکستان د هوايي ځواکونو د عامه اړیکو دفتر هم په یوې بیانیې کې ټینګار وکړ چې د دغه هېواد د هوايي ځواک د قومندان او په اسلام آباد کې د ایران د اسلامي جمهوریت د سفیر کتنه، د یوې سوله ایزې او باثباته سیمې د رامنځته کولو لپاره د دواړو هېوادونو د ژورې ملګرتیا او نه بدلېدونکې ژمنې ښودنه کوي.
