د اسلامي بیدارۍ نړیوال فورم په پاراچنار کښې ترهګریز برید غندلی دی
زمونږ د خبریال د راپور له مخې د اسلامی بیدارۍ نړیوال فورم د پاکستان د شمال لویدیځ د پاراچنار په ښار کښې د په کاروان باندې د ترهه ګرۍ حمله چې په نتیجه کښې یې ۱۰۷ تنه شول، په کلکه وغندل چی دغه جنایتونه د صهیونیسټ رژیم په شان د امریکا او لویدیځ په ملاتړ په منظم ډول د مسلمانانو ترمینځ د تفرقې او په سیمه کښې د ناامنۍ او بې ثباتۍ د رامینځته کولو په هدف ترسره کیږی .
په دغه بیانیه کښې راغلی دي د پاکستان له حکومت هیله کیږی چې د تکفیری او ترهګریزو حرکتونو په وړاندې په قاطعانه توګه د مقابلې او د دغه جنایت د عاملینو د محاکمه کولو په ترڅ کښې د تکفیری او تروریستی ډلو د دغه ډول جنایتونو د تکرار مخنیوی او د ترهه ګرو په ملاتړو باندې د داخلی او خارجی سیاسی او پوځی دباو اچولو په شمول جدی اقدامات وکړی.
په همدې حال کې د پاکستان د پنجاب صوبې له ترهګرۍ سره د مبارزې پولیسو د دغه هیواد پلازمینې اسلام اباد ته نږدې د راولپنډۍ ښار په چیکری سیمه کښې د استخباراتی او امنیتی ځواکونو په عملیاتو کښې درې ترهګر ووژل.
په تیرو دریو کلونو کې پاکستان په بلوچستان او خیبر پښتونخوا صوبو کې د ترهگرو په بریدونو کې له بې ساري زیاتوالي سره مخ دی.
د تحریک طالبان پاکستان ترهگرې ډلې د اکثرو دغو حملو ذمه واري په غاړه اخستې ده.
