پاکستان کښې د شیعه مسلمانانو په وژلې باندې اعتراضونه
-
فایل فوټو
پاکستانیانو د پاړه چنار د غمیزو په غندنه کښې مظاهرې وکړې.
د پاکستان سیاسي ګوندونو او شیعه مذهبي ډلو پرون د پلازمینې اسلام آباد په شمول د دغه هیواد په مختلفو ښارونو کښې د پاړه چنار د خلکو د حالاتو په خرابیدو په تیره بیا د تکفیري عناصرو له خوا د ملکي وګړو په بې رحمه وژلې باندې په اعتراض او غندنه کښې پراخې مظاهرې وکړې.
د دغه رپورټ له مخې، په لاهور، ملتان، کراچۍ او حیدرآباد کښې شیعه مذهبي ډلو د تکفیري او ترهګرو عناصرو له خوا د پاړه چنار ښار د شیعه مسلمانانو د بې رحمانه وژلې په غندنه کښې اعتراضي پرلتۍ ووهلې.
د مجلسِ وحدتِ مسلمین په بلنه پرون د اسلام آباد پریس کلب په وړاندې د پاړه چنار د خلکو په قتل عالم باندې د اعتراض کونکو تجمع وشوه او ګډونوالو په پاړه چنار کښې د امنیت په سمدستي ټینګښت او د ترهګرو بریدونو د عواملو په پیژندلو کښې د حکومت او امنیتي ادارو نرم چلند وغنده.
وړمه ورځ د پاکستان وزیراعظم شهباز شریف د پاړه چنار د خلکو لپاره د دملیزو او خوراکي اړتیاو د سمدستي استولو او پيښور او اسلام آباد ته د ناروغانو د انتقال لپاره د څو چورلکو د ځانګړې کولو حکم صادر کړی و.
