هند له پاکستان سره د اړیکو کمولو یو لړ اقدامات اعلان کړل
د هند د بهرنیو چارو وزیر، ویکرام مسري، وویل چې د برید تر شاه د سرحد پورې اړخ نه لاسوهنه شته او دا موضوع د امنیتي کابینې په ځانګړې غونډه کې مطرح شوې.دپاکستان خارجه وزیر هم ویلی دی چی که هندوستان سره کوم اسناد او ثبوتونه موجود دي نو وړاندی دې کړي .
دا پرېکړه وروسته له هغې وشوه چې د سه شنبې په ورځ مشکوکو وسلوالو د کشمیر په یوه سیاحتي سیمه کې برید وکړ او ۲۶ کسان یې ووژل، چې دا برید په تېرو نژدې شلو کلونو کې د ولسي وګړو پر ضد تر ټولو خونړی ګڼل شوی دی.
د هند د بهرنیو چارو وزیر، ویکرام مسري، وویل چې د برید تر شاه د سرحد پورې اړخ نه لاسوهنه شته او دا موضوع د امنیتي کابینې په ځانګړې غونډه کې مطرح شوې.
له همدې امله، هند پرېکړه کړې چې د ۱۹۶۰ کال سندھ طاس تړون وځنډوي.
دغه تړون، چې د نړیوال بانک په منځګړیتوب شوی، د هند او پاکستان ترمنځ د اوبو وېش تنظیموي او تر دې وړاندې د دواړو هېوادونو د جګړو پر مهال هم نه و ځنډول شوی.
د تړون ځنډول به هند ته دا واک ورکړي چې پاکستان ته د اندوس سیند د اوبو برخه بنده کړي، کوم چې د پاکستان لپاره د برېښنا تولید او کرنیزو اړتیاوو لپاره حیاتي بلل کېږي.
دپاکستان لومړی وزیر شهباز شریف هم نن د قومی سلامتی کمیټۍ غونډه بللی ده چی پکې به هندوستان ته د ځواب ورکولو موضوع وڅیړل شي . دپاکستان خارجه وزیر هم ویلی دی چی که هندوستان سره کوم اسناد او ثبوتونه موجود دي نو وړاندی دې کړي .
له بلې خوا د پاکستان دفاع وزیر هم ویلی دی چی که هندوستان د حملې هڅه وکړه نو سخت ځواب به ورکړل شي .
هند له ۲۰۱۹ کال راهیسې، کله چې یې د کشمیر ځانګړی نیمه خودمختار حیثیت لغوه کړ، له پاکستان سره ترینګلې اړیکې لري.
د ا برید د هند د صدراعظم نریندرا مودي او د هغه د ګوند بهارتي جانتا پارټۍ لپاره یوه لویه ضربه ګڼل کېږي، ځکه هغوی تل دا ادعا کړې چې کشمیر ته یې سوله او ثبات راوړي.
