پاکستان د افغانستان د طالبانو له حکومت څخه اصولي غوښتنې کړي دي
زمونږ خبریال راپور راکړی د ترکیې په استانبول کښې د پاکستان او د افغانستان د طالبانو ترمینځ په خبرو کښې د اسلام اباد پلاوي طالبانو ته خپل واضح دریځ بیان کړی دی.
پاکستان د افغانستان طالبانو ته په واضح ډول ویلي دي چې د طالبانولخوا د ترهګرو ډلو سرپرستۍ کول د منلو وړ چاره نه ده.
د پاکستان پلاوي طالبانو ته وویل چې د ترهګرۍ د ختمولو لپاره کلک او یقیني اقدامات ترسره کول پکار دي.
د پاکستان امنیتي سرچینو وویل چې د افغانستان د طالبانو د حکومت دلایل غیر منطقي او د ځمکنیو حقایقو پرضد دي او داسې ښکاري چې د افغانستان طالبان په بلې کوم اجنډا باندې روان دي او دغه اجنډا د افغانستان ، د پاکستان او د سیمې د ثبات په ګټه نه ده.
په استانبول غونډې کښې د پاکستان پلاوي د افغانستان له طالبانو غوښتنه وکړه چې د طالبانو حکومت فتنه الخوارج او فتنه هندوستان ډلې په واضح او اغیز شیندونکي ډول کنټرول کړي.
وړمه ورځ د پاکستان پلاوي د افغانستان طالبانو ته یو شمیر وړاندې او غوښتنې وکړې او د طالبانو حکومت هم د پاکستان وړاندیزونو ته پرون سهار ځوابونه ورکړل.
