امریکا د پاکستان بدنامول غواړی

د پاکستان د سینیټ مشر وویل چې امریکا د اسلام آباد د بدنامولو په لټه کښې ده.

زمونږ خبریال وائی د پاکستان د سینیټ مشر رضا ربانی وویل: د امریکې د کانګرس غړی په مختلفو پلمو هڅه کوی چې د نواز شریف د حکومت حیثیت داغی کړی.

هغه زیاته کړه: له دې امله چې د پاکستان پارلیمان د امریکې د مداخله غواړو او تیری ګرو سیاستونو مخالف دی، واشنګټن نیت لری چې له دې لارې له اسلام آباده غچ واخلی.

د ویلو ده چې د امریکې د کانګریس ځینو غړو ویلی دی چې پاکستان له ترهګرۍ سره په مبارزه کښې دوه ډوله سیاست اعمالوی.

هغوی وائی، پاکستان له یوې خوا د امریکې متحد او انډیوال دی او له بلې خوا د طالبانو او حقانی ډلې ملاتړ کوی.