د پاکستان تر کنټرول لاندې کشمیر کې انتخابات ترسره شول
د هند تر کنټرول لاندې کشمیر کې د تاوتریخوالی له دوام سره په یو وخت د پاکستان تر کنټرول لاندې کشمیر کې د مختلفو سیاسی ډلو په سیالۍ سره پارلیمانی انتخابات ترسره شول.
د ایرنا خبری اژانس د راپور له مخې د کشمیر کابو دوه نیم میلیون خلکو او د پاکستن په مختلفو سیمو کې میشته کشمیریانو د خپلو استازو د انتخاب لپاره رایې واچولې.
د کشمیر په نننیو انتخاباتو کې شپږویشتو سیاسی ډلو او ګوندونو د ۴۲۳ نوماندو په معرفی کولو سره سیالی وکړه چې له دغو کسانو به یو څلویښت کسان د کشمیر پارلیمان ته لاره مومی.
د پاکستان واکمن ګوند مسلم لیګ نون ، د پاکستان تحریک انصاف او پیپلز پارټی په انتخاباتو کې د اکثریت د لاسته راوړلو لپاره تر ټولو زیات چانس لری.
د انتخاباتو غیر رسمی نتیجې پیل شوې دی.
نن د پاکستان تر کنټرول لاندې د کشمیر انتخابات د هند تر کنټرول لاندې کشمیر د ناکراره حالاتو په وجه تر سختو امنیتی تابیاوو لاندې وشول. د کشمیر په تیر پارلیمان کې پیپلز پارټی تر ټولو زیاتې څوکۍ لری او په دغه سیمه کې واکمن ګوند حسابیږی.