د پیښور په فقیر اباد کې چاودنې درې کسان ټپیان کړل

 د پاکستان په پیښور کې  د پس یو تم ځای ته نزدې د بم د چاودنې له امله  درې کسان ژوبل شول.

د ډان ورځپاڼې په لیکنه  دغه کسان چې یو پکې د پاکستان د  ټریفک پولیسو یو مامور او دوه مسافر وو  د پیښور په فقیر اباد سیمه کې  د بس په تم ځای کې ګاډی ته منتظر وو چې  چاودنه پرې وشوه .

پولیس وایی چې په دغه بم چاودنه کې له دوو تر دریو کلوګرامه  چاودیدونکی مواد کارول شوې وو.

ژوبل کسان د درملنې لپاره نزدې روغتون ته یوړل شول .

تر اوسه کوم کس یا ډلې د دغه حملې پړه په غاړه  نه ده اخستې ،  پولیسو له چاودنې وروسته د تحقیق لپاره ځای کلابند کړ.