د پاکستان په پائېتخت کښې د شیعه ؤ احتجاجی غونډه
د پاکستان په زرګونو خلقو د شیعه مسلمانانو غوښتنو ته د حکومت د جدی پاملرنې غوښتنه وکړه.
د اېرنا خبری اژانس د رپوټ له مخې د پاکستان د شیعه ؤ د شهید قائد علامه سید عارف حسېن الحسېنی د کلیزې په مناسبت په لسګونو مسلمانو خلقو پرون مازیګر په اسلام آباد کښې د پارلېمان مخکې ته په راغونډېدو سره د شیعه مسلمانانو غوښتنو ته د حکومت د جدی پاملرنې او د ترهه ګرۍ د حملو د بندولو غوښتونکی شول.
د پاکستان د مجلس وحدت مسلمین عمومی سېکتر چې په تېرو ورځو کښې د اوږد لوږتړ په وجه د رامنځته شوې بدنی کمزروۍ په خاطر په روغتون کښې داخل شوے ؤ په غونډه کښې ګډون کوونکو ته وویل چې د ځینو شیعه مراجعو او شخصیتونو په سپارښتنه یې لوږ تړ ختم کړ.
علامه راجا ناصر عباس جعفری زیاته کړه، البته تر هغه وخته چې د پاکستان حکومت د شیعه ؤ غوښتنې پوره نه کړی پرلت غزونې ته به په دوام ورکړی او په اسلام آباد کښې به د پرلت غزونې کېمپ ته هم هغه شان دوام ورکړی.
علامه سید عارف الحسېنی د نولس سوه اته اتیایم کال د اګست په څلورمه نېټه د پاکستان د پخوانی فوځی واکمن جنرل ضیاء الحق په دور کښې په پېښور ښار کښې په ډزو سره شهید کړے شو.
--------