پاکستان هندوستان په وروستیو چاودنو کې په لاسلرلو تورن کړ
د پاکستان خارجه وزارت ادعا وکړه چې د هند استخباراتی ایجنسۍ د کویټې په چاودنو کې لاس لرلی دی.
د ایرنا خبری اژانس د راپور له مخې نفیس ذکریا نن په خپل اونه ایز خبری کانفرنس کې وویل د هند اطلاعاتی ادارې هماغه شان په پاکستان په تیره بیا په بلوچستان او سند کې خپلو ورانکارو عملیاتو ته دوام ورکوی.
د پاکستان د خارجه وزارت ویندویی زیاته کړه : د کویټې د دوشنبې د ورځې په چاودنه کې د پردیو لاسونو شتون نه شو ردولی.
هغه د هند تر کنټرول لاندې کشمیر د مسالې په هکله وویل په دغه سیمه کې د بشری حقوقو پرله پسې خلاف ورزی د افسوس وړ ده او نړیواله ټولنه باید د هند تر کنټرول لاندې کشمیر د مسالې په حل کې لاس وکړی.
هغه له کنټرول لاینه د پاکستان د جاسوسی عواملو په پټه د تیریدلو د هند وروستۍ ادعا بشپړه بې اساسه وبلله او زیاته یې کړه : پاکستان هیڅکله اجازه نه ورکوی چې له خاورې یې د بل هیواد په خلاف کوم اقدام وشی. ده د هند له خوا په پاکستان د دې تور په ځواب کې چې د ترهه ګرو ډلو ملاتړ کوی وویل پاکستان په خپله د ترهه ګرۍ لوی قربانی دی او له ترهه ګرو سره په چلند کې هیڅ فرق نه کوی.