داسلامی ملگرتیا موسسه دې دهندی کشمیردشخړې دحل لپاره جدی اقدام وکړی

سحر اردو خبری چینل راپورورکړ دپاکستان په خارجه چارو کې دلومړی وزیر ځانګړی سلاکار طارق فاطمی په اسلام اباد کې داسلامی ملګرتیا موسسې په غونډې کې دهندی عسکرو په لاس د کشمیریانو دعامې وژلې په محکوم کولو سره ویلی دی ، په کشمیر کې بحران ترینګلی شوی او ددغې سیمې حالات ترډیره حده ناکراره شوی دی .

 طارق فاطمی  د ملګروملتو دامنیت شورا  دپریکړه لیکونو په اساس د کشمیر  دشخړې  دحل  غوښتنه وکړه او  ددغې سیمې دخلکو دغوښتنو پر پوره کیدائې ټیننګار وکړ  .

 هغه دغه راز داسلامی ملګر تیا موسسې له ټولو غړو وغوښتل  چې دکشمیریانو ملاتړې دې وکړی .  

 له دې مخکې  هم دپاکستان لومړی وزیر نواز شریف دملګروملتو  سرمنشی بان کی مون ته په یوه لیک کې     دکشمیر دشخړې دحل لپاره د دغې موسسې دپریکړه لیکونو داجرا غوښتنه کړې وه .