د سعودی عربستان دفاع وزیر نن پاکستان ته ځی
د سعودی عربستان دفاع وزیر محمد بن سلمان نن پاکستان ته سفر کوی او د دغه هیواد له وزیراعظم نواز شریف سره به وګوری.
زمونږ د خبریال د خبر له مخې د سعودی عربستان دفاع وزیر محمد بن سلمان نن اسلام آباد ته سفر کوی او هلته به د پاکستان له وزیراعظم نواز شریف سره ملاقات وکړی.
خبر وائی چې ټاکل شوې په دغه ملاقات کښې د مینځی ختیځ د حالاتو جاج واخیستل شی او همداشان به دواړو لوری د عربستان مخې ته پرتې امنیتی لانجې هم وڅیړی.
په خبر کښې لولو که څه هم په پاکستانی مطبوعاتو کښې یوازې له نواز شریف سره د محمد بن سلمان د ملاقات خبر راغلی خو حقیقت دا دی چې په پاکستان کښې د سیمې د سترو سیاسی او امنیتی مسائلو په اړه فیصله د دغه هیواد د پوځ لخوا کیږی لکه څنګه چې په یمن باندې د حملې لپاره هم وزیراعظم نواز شریف عربستان ته د ځواکونو د ورلیږلو نیت درلود خو د پاکستان د پوځ مشر قومندان جنرال راحیل شریف ورسره مخالفت وکړ.
اوس هم داسې ښکاری چې د عربستان دفاع وزیر د پاکستان دپوځ له قومندان سره هم ملاقات وکړی او ممکنه ده له هغه د پوځی مرستې غوښتنه هم وکړی.