د پاکستان پارلیمان د الطاف حسین خلاف پریکړه لیک تصویب کړ

د پاکستان قومی اسمبلۍ د متحده قومی غورځنګ د تیر مشر الطاف حسین د پاکستانی ضدو څرګندونو په غبرګون کښې یو پریکړه لیک تصویب کړ.

زمونږ خبریال رپورټ راکړی چې د پاکستان د پارلیمان د دې پریکړه لیک په یوه برخه کښې راغلی دی چې دا ارګان د الطاف حسین پاکستانی ضده شعارونه او لمسونکې څرګندونې د دې هیواد په امنیت باندې حمله ګڼی.

د پاکستان پارلیمان همداشان په رسنیو باندې حمله هم وغندله او ټینګار یې وکړ: کوم کسان چې ملی امنیت په خطر کښې اچوی له هغوی سره به سخت چلند وشی.

د پاکستان د متحده قومی غورځنګ غړو هم د دې هیواد د پارلیمان د پریکړه لیک ملاتړ وکړ.