د پاکستان د خیبر پختونخوا په صوبایی پارلمان باندی حمله وغندله شوه

زموږ دخبریال د راپور سره سم، د پاکستان د خیبر پختونخوا صوبی اعلی وزیر، او د تحریک انصاف مشر، د دغې صوبې په پارلمان باندی حمله وغندله.

د تحریک انصاف مشر«عمران خان» او د خیبر پختونخوا صوبې اعلی وزیر«پرویز خټک» د نواز شریف څانګې د مسلم لیګ ګوند د غړیو او پلویانو په وسیله، د دغې صوبې په پارلمان باندی حمله وغندله.

عمران خان او پرویز خټک ویلی دی: چی دغه حملې د ډموکراسۍ په ضد دی، او دا د لمړۍ ځلې لپاره نه ده، چی د نواز څانګې د مسلم لیګ ګوند غړی او پلویان، په خیبر پختونخوا کی په صوبایی پارلمان باندی حمله کوی.

عمران خان زیاته کړه: چی د ده ګوند په پارلمان باندی د حملې سره سره، د سپټمبر په ۲۴ نیټه، د لاهور په رائیوند سیمه کی، د نواز شریف د مالی فساد په دلیل، کار بندیز او تحصن کوی.