پاکستان بیاهم هندوستان د اوربند په خلاف ورزۍ تورن کړ

پاکستان وائی هندوستان یوځل بیا په کنټرول لاین کښې د اوربندخلاف ورزی کړې ده.

زمونږ خبریال رپورټ راکړی چې د پاکستان د پوځ ویاند جنرال عاصم سلیم باجوا وویل: په تیرو پنځو ورځو کښې هندی ځواکونو په دریم ځل په کشمیر کښې د هند او پاکستان ترمینځ سرحدی کرښه کښې د ټینګ شوی اوربند خلاف ورزې کړې او دواړو لورو څو ساعتونه پر یوبل ډزې کړې دی.

د پاکستان خارجه وزارت تیره پنجشنبه په اسلام آباد کښې د هندوستان د سفیر په وربللوسره په کشمیر سیمه کښې کنټرول لاین باندې د وروستیو ناکراریو په لړ کښې هندوستان ته د پاکستان د حکومت رسمی اعتراض اعلان کړ.