له هند سره د خبرو اترو لپاره د پاکستان د چمتوالی اعلان
په بهرنیو چارو کښې د پاکستان د وزیراعظم سلاکار یو ځل بیا له هند سره د خبرو اترو لپاره د خپل هېواد چمتووالے اعلان کړ.
د سحر چېنل د رپوټ له مخې سرتاج عزیز نن د هند په امرتسر ښار کښې د اېشیا زړۀ نومې کانفرنس ترڅنګه وویل چې هر وخت نوی ډیلی چمتوالے ولرۀ پاکستان د خبرو اترو لپاره اماده دے.
هغه تاکید وکړ پاکستان په سیمه کښې د امنیت د ټینګښت او د سولې او ثبات برقرارۍ غوښتونکے دے او په دې لړ کښې لګیا دے هلې ځلې کوی. د پاکستان د وزیراعظم سلاکار د نوی ډیلی او اسلام آباد ترمېنځ د اختلافاتو د هواری یوازېنۍ لار خبرې اترې وبللې.
له دې مخکې هم د دغه هېواد وزیراعظم نواز شریف د کشمیر د مسئلې په شمول د اختلافاتو د هواری په خاطر له هند سره د خبرو اترو لپاره د خپل هېواد امادګی اعلان کړې وه.
دا په داسې حال کښې دی چې د هند د بهرنیو چارو وزیر مرستیال جی شنکر تېره ورځ د اېشیا د زړۀ کانفرسن ترڅنګه د دغه هېواد او پاکستان د چارواکو ترمېنځ د هر ډول خبرې اترې رد کړې.
-------
