د تحریک انصاف لخوا د شکر د ورځې مراسم
د پاکستان په اسلام اباد کې د نواز شریف د څنګته کیدو په خاطر د دغه هیواد د تحریک انصاف د غړو لخوا د شکر د ورځې لویه اجتماع ترسره شوه.
د ایرنا خبري اژانس د راپور له مخې په لکونو خلکو پرون په اسلام اباد کې په دغو مراسمو کې برخه واخسته .
ګډونکوونکو د نواز شریف د ورور شهباز شریف په خلاف چې ټاکل شوې د دغه هیواد لومړی وزیر شي شعارونه ورکړل او له هغه یې وغوښتل چې له راتللو مخکې لاړ شي.
عمران خان او د تحریک انصاف نورو مقاماتو په دغه اجتماع کې د مقاماتو په خصوصي ځای کې ګډون وکړ او هر یو په خپله وینا کې د نواز شریف څنګته کیدا د پاکستان لپاره یوه کامیابي او د یو نوي پاکستان د پیلیدلو لاره وبلله .
پرون د پاکستان د واکمن مسلم لیګ غړو په یوه غونډه کې د نواز شریف د تیرې کابینې د تیلو او طبیعي سرچینو وزیر شاهد خاقان عباسي د موقته لومړي وزیر او شهباز شریف د لومړي وزیر د څوکۍ لپاره د اصلي کاندیدانو په توګه معرفي کړل.
د پاکستان سترې محکمې تیره جمعه نواز شریف د مالي فساد په دوسیه کې رد صلاحیت کړ.
