د پاکستان ځواکونو په بلوچستان کې یو شمیر ترهه ګر ووژل
د پاکستان په بلوچستان صوبه کې د امنیتي ځواکونو په عملیاتو کې یو شمیر ترهه ګر ووژل شول.
د ډان خبري سایټ د راپور له مخې د بلوچستان صوبې د ډیره بګټي په کوهلو سیمه کې د امنیتي ځواکونو په پرونیو عملیاتو کې څلور ترهه ګر ووژل شول.
د دغه راپور په اساس په نښته کې د پاکستان د پوځ یو عسکر هم وژل شوی دی.
په دغو عملیاتو کې په کوهلو سیمه کې د ترهه ګرو اډه له مینځه لاړه او دهغوی یو شمیر چاودیدونکي مواد وسله او ارتباطي سازو سامان ونیول شو.
په پاکستان کې د ضرب عضب له عملیاتو وروسته د دغه هیواد پوځ د رد الفساد په نامه نوې عملیات پیل کړل چې تر اوسه په کې د تفکیري ترهه ګرو ډلو منجمله سپاه صاحبه جماعت الاحرار او جنګوي لښکر په سلګونو ترهه ګر وژل شوې دي.
بلوچستان یو له هغو سیمو ګڼل کیږي چې پکې د جماعت الاحرار سپاه صحابه او جنګوي لښکر په شان یو شمیر ترهه ګرې ډلې فعالی دي.
