د ایران او پاکستان د اړیکو په پراختیا ټینګار
د پاکستان د اطلاع رسولو او ملي میراث وزیرې په دې بیان سره چې اسلام اباد له تهران سره هر اړخیزو اړیکو ته ډیر اهمیت ورکوي له ایران د فرهنګي ملګرتیاوو د زیاتیدو غوښتنه وکړه .
زمونږ دخبریال د راپور له مخې مریم اورنګزیب په اسلام اباد کې د ایران له سفیر مهدی هنر دوست سره په کتنه کې په دې بیان سره چې د ګډو فرهنګي ، ملي تاریخي او دیني اړیکو شتون د دواړو هیوادونو د اړیکو له لا ژورتیا سره مرسته کولی شي وویل: پاکستان د دواړو هیوادونو تر مینځ د فرهنګي اړیکو د زیاتولو لپاره د ایران د دولت له خوا د هر ډول وړاندیز او نوښت هرکلی کوي.
اورنګزیب زیاته کړه : پاکستان د فلم د صنعت د هڅولو ، او د فلم او ټی وي په زمینو کې د هنرمنانو د نوښت د دودولو لپاره د فلم او ټیلی ویژني پروګرام د کمیسیون د جوړلو هوډ لري او د دغه کمیسیون د لا فعالولو لپاره د ایران ملګرتیا او د دې هیواد له تجربو استفادې ته خاص نظر لري.
مهدی هنر دوست هم په دغه کتنه کې وویل: ایران له پاکستان سره د ټولو منجمله کلتوري اړیکو د پراختیا غوښتونکی دی او د دغو اړیکو پراختیا د دواړو هیوادونو دخلکو لپاره ګټه وره ګڼي.
د ایران سفیر د پاکستان د اطلاع رسولو وزیرې ته په اسلام اباد کې د فارسۍ ژبې د تحقیقاتو د مرکز د کتنې بلنه ورکړه چې مقابل لوري یې هرکلی وکړ.
