د چین او پاکستان ګډه هوایي مانوره

د پاکستان او چین  هوایي ځواک  په چین کې ګډه هوایي تعلیمي مانوره پیل کړه.

د شین هوا خبري اژانس د راپور له مخې  پدغه ګډه مانوره کې  له جی یوولس الوتکو، جی ایچ اوه  بم غورځوونکو الوتکو  . کی جي دوه سوه آواکس الوتکو او له ځمکې هوا ته ویشتونکي توغندویي سسټمه استفاده کیږي.

د چین د هوایي ځواک  ویندویي شن جینکه وویل چې د دغه هیواد سمندري ځواک به هم په دغه مانوره کې برخه واخلي.

د چین د هوایي ځواک ویندویي همداراز ټینګار وکړ چې پآکستان په دغه مانوره کې د ګډون لپاره تندی جی ایف اولس  او نورې جنګي الوتکي چین ته لیږلې دي.

 دغه مانوره  چې نن پیل شوې د ستمبر تر اوه ویشتمې به روانه وي.