پاکستان د هند د خارجه وزیرې ادعاګانې رد کړې
په ملګرو ملتو کې د پاکستان استازې ددغه سازمان د عمومي اسمبلۍ په دوه اویایمه غونډه کې د هند خارجه وزیرې د خبرو په غبرګون کې هغه وغندلې.
د نوي ډیلي چاپ اینډین اکسپرس ورځپاڼې به لیکنه په ملګرو ملتو کې د پاکستان استازې ملیحه لودهی پرون له ترهه ګرو ډلو د اسلام اباد د ملاتړ په هکله د سوشما وسواراج خبرې بې اساسه وبللې.
ملیحه لودهی د خپلو خبرو په یو بله برخه کې د هند تر کنټرول لاندې کشمیر ته اشاره وکړه او په دغه سیمې دهند ولکه یې غیر قانوني او د دغه سیمې دخلکو دغوښتنې په خلاف وبلله.
په ملګرو ملتو کې د پاکستان استازې همداراز له ترهه ګرو ډول د هند د دولت په ملاتړ په ټینګار سره وویل د اسلام اباد له بیا بیا غوښتنو سره سره د نوي ډیلي مقامات مذاکراتو او په اختلافي مسالو خبرو کولو ته تیار نه دي.
سوشما سواراج د ملګرو ملتو د عمومي اسمبلۍ په غونډه کې پاکستان د طیبه لښکر، حقاني چینل او جنګوي لښکر په شان ډلو په ملاتړ تورن کړی وی.
دې دا هم ویلې وو چې پاکستان د نریندرا مودي لخوا د مذاکراتو لپاره شوی وړاندیز ونه مانه .
