دپاکستان څلور حکومتی عسکر ووژل شول .
-
دپاکستان په کرمې ایجنسۍ کښې په سرحدي سیمو کښې ډیرې ترهګرې ډلې په تیره بیا حقاني ، طالبان وغیره فعالیتونه کوي .
زمونږ خبریال وایی دپاکستان دکرمې ایجنسۍ قبایلی سیمې د مرکز پاره چنار په خوا کښې په خرلاچی سرحدی کلی کښې نن په دریو(۳) ماین چاودنو کښې څلور(۴) حکومتی عسکر ووژل شول چې یو پکښې کپتان هم شته .
په دغو ماین چاودنو کښې درې(۳) نور کسان ژوبل هم شوی دی .
وژل شوی کسان کپتان حسنین سپاهی قادر ، سپاه جمعه ګل وغیره نومیږی .
ژوبل شوی کسان نائیک انور ، سپاهی ظاهر او لانس نائیک شیر افضل نومیږی او د درملنې لپاره دپاره چنار روغتون ته وړل شوی دی .
د پاکستان دحکومتی ملیشا ځواک وژل شوی او ژوبل شوی حکومتی عسکر دهغه ډلې غړی دی چې د کاناډا خبریال ، دهغه میرمنه او ماشومان یې له ترمته ګرو خوشی کړی وو .
دپاکستان طالبانو ډلې د ماین چاودنو او دحکومتی عسکرو د وژلې مسولیت پرغاړه اخیستی دی .
دپاکستان په کرمې ایجنسۍ کښې په سرحدی سیمو کښې ډیرې ترهګرې ډلې په تیره بیا حقانی ، طالبان وغیره فعالیتونه کوی او خلک تښتوی او دپیسو په بدل کښې یې راخلاصوی .
