په کراچۍ کښې امریکايي ضد مظاهرې وشوې

د پاکستان د کراچۍ ښار خلکو د امریکې خلاف مظاهرو سره د بیت المقدس په هکله د ډونلډ ټرمپ وروستۍ پریکړه وغندله.

پاکستان مظاهره چیان پرون په کراچۍ کښې د امریکې د قونصلیټ مخې ته راغونډ شول او د دغه هیواد او د اسرائیلو د رژیم بیرغونه یې وسوزول.

مظاهره چیانو د امریکې او صهیونیسټي رژيم خلاف د شعارونو په ورکولو سره د فلسطین له ولسه خپل ملاتړ اعلان کړ.

د امریکې د ولسمشر دغې فیصلې د پاکستان د خلکو او چارواکو غندنه په ځان پسې لرلې او هغه د سیمې د ناامنۍ لامل ګڼي.

د پاکستان د بهرنیو چارو وزارت هم په دې لړ کښې د اسلامي هیوادونو د مشرانو د جدي غبرګون غوښتنه کړې ده.