په پاکستان کښې د آمریکایی او آروپایی اسلام لپاره هڅې
اوس په پاکستان کښې د داسې اسلام د پلی کولو هڅې روانې دی چې د آمریکا او آروپا د خوښې وړ دی.
زمونږ خبریال راپور راکړی،د پاکستان مشهور لیکوال،انصار عباسی د جنګ ورځپاڼې په ننۍ ګڼه کښې په یوې مقالې کښې لیکلی دی:داسې هڅې روانې دی څو په پاکستان کښې اسلام ته داسې بڼه ورکړل شی چې د آمریکا او آروپا د خوشې وړ وی،د دغې چارې د پرځایښت لپاره د اسلامی هیوادونو د واکمنانو ترڅنګ له ځینو داسې لیکوالانو،عالمانو او پوهانو هم استفاده کیږی چې د میرمنو ستر او حجاب نه منی او دغه ډول عالمان او پوهان د لویدیځ د لیبرالانو او سیکولارانو هم خوښ دی او همدغه راز د پاکستان هغه ټیلی ویزیونی چینلونه چې بربنډ یا نیمه بربند موردونه خپروی،هم دغه ډول عالمان او پوهان خوښوی.
هغه بیانیه چې تیره اونۍ په عمومی ځایونو کښې د پانسی کولو د موضوع پر سر له ناستې وروسته د اسلامی نظریاتی شورا له لوری خپره شوه ، ډیره لالهاندی کونکی وه. د دغې بیانیې په لوستلو سره هر څوک دا احساسوی چې موخه یې د لویدیځ، لویدیځ پالو این جیوګانو،روڼ اندو او پاکستانی رسندویو خوشحالول وو.که څه هم په دغې بیانیې کښې په عمومی ځای کښې د اعدام په باره کښې ګونګه وه خو دا پکښې راغلی چې د سختې سزا پر ځای باید یقین والی ته پام وکړل شی.د دغې بیانیې په لوستلو سره هر څوک دا فکر کوی چې د سزاګانو له سختوالی او دروندوالی د اسلامی نظریاتی کونسل موخه څه ده؟
د مقالې لیکوال په دې اړه د اسلامی نظریاتی شورا د څو کسانو نظر پوښتلی،چې په وینا یې هغوئ په خپله هم حیرانه وو چې دا څه پیښ شوی دی؟ټول ډیر ښه پوهیږی چې لویدیځ او لویدیځ ځپلی پرګنه د اسلامی سزاګانو په باره کښې څه وائی؟ په ورپسې ورځ په ورځپاڼو کښې دا خبر خپور شو چې اسلامی نظریاتی کونسل د عوامو په وړاندې له پانسی کولو سره خپل مخالفت څرګند کړی،خو د دغې شورا مشر د مقالې له لیکوال سره په کتنه کښې دغه خبر دروغ وباله او ویې ویل:مشرانو جرګې دغه پوښتنه له شورا کړې وه چې د خلکو په مخکښې د اعدام لپاره په قوانینو کښې بدلون ته اړتیا شته چې ورته د شورا ځواب هم دا دی چې د موجودو قوانینو له مخې په عمومی ځایونو کښې پانسی کیدلای شی او هیڅ کوم خنډ نشته. د اسلامی نظریاتی شورا مشر زیاته کړه:که کوم خنډ شته هغه د سترې محکمې هغه فیصله ده چې پکښې د عمومی خلکو په وړاندې پانسی کول منع کړای شوی وو.د مقالې لیکونکی د بیانیې په اړه د شورا له مشره پوښتنه وکړه او هغه په ځواب کښې وویل:شورا به یوازې د اسلام خبره کوی. د مقالې د لیکوال په وینا، د اسلامی نظریاتی شورا مشر ټینګار وکړ او دا ډاډ یې ورکړ چې هغه ځواب به پوره روښانه وی چې شورا به یې مشرانو جرګې ته ورکړی.
د مقالې د لیکوال په وینا،په پاکستان کښې اسلامی نظریاتی کونسل د یوې مرجع او مفتې حیثیت لری خو دا هیله یې څرګنده کړه چې د پاکستان په نظام کښې به د دغه مفتی رول د سعودی عربستان د رول په شان نه وی.
د وییلو ده چې یو وخت د لویدیځ د خوشحالولو لپاره په پاکستان کښې د اعدامولو او پانسی کولو سزا بیخی درول شوی وه.