نواز شریف محکمې ته وړاندې شو

د پاکستان څنګته کړی شوی وزیراعظم محمد نواز شریف نن سهار په اسلام آباد کښې سره له خپلې لور او زومه، تر سختو امنیتي تدابیرو لاندې محکمې ته حاضر شو.

د اسلام آباد په محکمه کښې د پخواني وزیراعظم د مالي فساد په دوسیې غور کیږي او نواز شریف باید د دغه فساد په هکله ځواب ورکړي.

د نواز شریف کورنۍ وايي چې د دوي خلاف دوسیې په سیاسي انګیزو سره جوړې شوې دي.

د پاکستان سترې محکمې په دې وروستیو کښې په یو صادر کړي حکم کښې محمد نواز شریف د پاکستان مسلم لیګ نواز ګوند له مشرۍ هم سلبِ صلاحیت کړ.

دغې محکمې نواز شریف په جنورۍ میاشت کښې د مالي فساد په تور د وزیراعظمۍ له مقامه عزل کړی دی.