د هند او پاکستان د پوله ساتونکو ځواکونو ترمېنځ نښته
پاکستاني سرچينو د کشمير په کنټرول لائن کښې د هند او پاکستان د پوله ساتونکو ځواکونو ترمېنځ د نښتې خبر ورکړ.
زمونږ د خبريال د رپوټ له مخې د پاکستان رسنيو نن د کشمير په کنټرول لائن کښې د پاکستان او هند د پوله ساتونکو ځواکونو د بيا نښتې د خبر په خپرولو سره وليکل: هندي ځواکونو په هرپال او چاروال پوله ايزو استوګن سيمو باندې بيا حمله وکړه.
د دغه رپوټ له مخې د پاکستان پوله ساتونکو ځواکونو هم د هندي ځواکونو د ډزو په ځواب کښې ردعمل وښود او د هند په هغو فوځي پوستو چې ترې د ډزبندۍ خلاف ورزي شروع شوې وه حمله وکړه.
د پاکستان فوځ وويل: په سيمه کښې د هند او پاکستان د پوله ساتونکو ځواکونو ترمېنځ ډزې هم هغه شان دوام لري.
تر اوسه په دغو نښتو کښې د احتمالي سر او مال تاوانونو په اړه څه رپوټ نه دے خپور شوے.
پاکستان د کشمير ځاي وزيراعظم راجه فاروق حيدر په يوې بيانيه کښې د هندي ځواکونو لخوا د ډزبندۍ د تړون بيا خلاف ورزي او په استوګن سيمو باندې حمله وغندله.
څو ورځې مخکې هم د کشمير په کنټرول لائن کشې د هندي پوله ساتونکو ځواکونو په ډزو سره لږ تر لږه شپږ پاکستاني ښاريز ووژل شول او اتويشت نور ژوبل شول.
