د پاکستان دڅنګته شوی لومړی وزیر لپاره لس کاله بند
که څه هم د نواز شریف لپاره له سیاسی فعالیته د تل لپاره محرومیدا او څنګته کیدا د مسلم لیګ ګوند عمومی مقبولیت چی په ۲۰۱۳ کال کی په خپلو سیالانو بریالی شوی ، اغیزمنه وه خو د هغه لس کلن بند هغه لږې هیلې هم چی په راتلونکیو انتخاباتو کی یې درلودلې په ناهیلې بدلې کړی .
د اسلام اباد محکمې لخوا څنګته شوی د پاکستان لومړی وزیر محمد نواز شریف په لس کاله بند محکوم شو .
د اسلام اباد محاکمې محمد نواز شریف ، د هغه لور مریم نوازاو د هغې خاوند صفدر د درغلی او پیسو پرینځلو په جرم په ترتیب سره په لس ، اوه او یوه کال بند او نغدی جرمانې محکوم کړی دی .
د اسلام اباد ښار د محاکمې قاضی محمد بشیر د نواز شریف د کورنۍ پرضد په دوسیې له لسو میاشتو غور وروسته خپله نهایی رایه صادره کړه .
د اسلام اباد محاکمې همداراز مریم نواز او د هغه خاوند په انتخاباتو کی د ګډون لپاره د لسو کلونو په بندیز هم محکوم کړی دی .
د پاکستان سترې محکمې د ۲۰۱۷ میلادی په جنورۍ میاشت کی نواز شریف د مالی فساد په تور له لومړی وزارته څنګته کړ .
نواز شریف او د هغه بچیان میرمن مریم نواز ، حسین نواز او حسن نواز د هغو اسنادو په اساس چی په تیرو کلونو کی په پاناما لیکس کی جوت شوی وو ، په مالی فساد کی د لاس درلودلو په تور مجرمان وپیژندل او نواز شریف د سترې محکمې لخوا بی صلاحیته او بیا څنګته شو . د پاکستان د قضاییه قوې له لوری د نواز شریف لس کلن بند په داسې شرایطو کی د مسلم لیګ نواز ګوند د خپل عمومی مقبولیت د کمیدا له چیلنج سره سره په جولایی میاشت کی په پاکستان کی په پارلیمانی انتخاباتو کی د ګډون لپاره چمتو کوی ، د انتخاباتو په ډګر کی د خپل لړزانه موقعیت د احیا لپاره د دغه ګوند په هلو ځلو سخت ګوزار بلل کیږی . د نواز شریف د لس کلن بند حکم په داسی حال کی صادر شو چی په پاکستان کی دغه مشهور سیاسی شخصیت په وروستیو اونیو کی په دغه هیواد کی سیاسی فعالیتونو ته د بیا ستنیدا ژمنه کړی وه .
نوازر شریف په هغه سناریو کی چی تحقق یې ناممکن وبلل شو ، هیله من وو چی په راتلونکیو پارلیمانی انتخاباتو کی د مسلم لیګ ګوند په بریالیتوب سره د پاکستان قوانین په دې ډول بدل کړی چی په سیاسی ډګر کی د هغه د شتون بیا زمینه برابره شی . د هغه دا پروګرام په داسی حال کی مطرح شو چی څو میاشتې مخکې سترې محکمې له سیاسی فعالیته د هغه دایمی محرومیت ته رایه ورکړی وه .
که څه هم د نواز شریف لپاره له سیاسی فعالیته د تل لپاره محرومیدا او څنګته کیدا د مسلم لیګ ګوند عمومی مقبولیت چی په ۲۰۱۳ کال کی په خپلو سیالانو بریالی شوی ، اغیزمنه وه خو د هغه لس کلن بند هغه لږې هیلې هم چی په راتلونکیو انتخاباتو کی یې درلودلې په ناهیلې بدلې کړی .
د پاکستان دننه په تیره بیا د نواز شریف او مسلم لیګ ګوند د پلویانو ترمینځ اټکلونه دا وو چی د دغه هیواد قضایی اداره د نواز شریف د مالی فساد د دوسیې په هکله د هغه په څنګته کیدا او له سیاسی فعالیته په دایمی محرومیت بسنه کوی ، خو په لسو کلونو بند د نواز شریف د محکومولو په ارتباط د اسلام اباد محاکمې راې وښودله چی دغه اورګان د وګړیو او ګوندونو موقعیت ته له پامه پرته قانون اجرا کوی .
دې ته په پام سره چی د نواز شریف د مالی فساد دوسیه د تحریک انصاف د مشر عمران خان په شکایت سره د قضایی جاج په ایجنډه کی راغله ، د نواز شریف لپاره د لس کلن بند حکم صادریدا به د عمران خان لپاره نوی موضوع وی چی په پارلیمانی انتخاباتو کی یې د خپل ګوند لپاره د فساد ضد شعار انتخاب کړی دی . د نواز شریف لپاره د لس کلن جیل په رایې سره په پارلیمانی انتخاباتو کی د مسلم لیګ ګوند په زیاتو چیلنجونو سربیره شاید وویلې شو چی په دغه ګوند د شریف کورنۍ سلطه پاې ته نږدې شوی ده .
