امریکا دمینځنی ختیځ دبې ثباتۍ عامل ده
-
امریکا د اسرائیلو د نیواکګرۍ ، سلطه غوښتنې او د پوځي توپ په ملاتړ کولو سره مینځنی ختیځ بې ثباته کړی دی .
ایرنا خبری اژانس وایی د پاکستان د بشری حقوقو وزیرې میرمن شیرین مزاری امریکا په مینځنی ختیځ کښې د ناامنۍ او دبې ثباتۍ اصلی عامل وبلله .
هغې دامریکا د ولسمشر ډونالډ ټرمپ څرګندونو ته په غبرګون کښې چې ویلی وو د واشنګټن شتون په مینځنی ختیځ کښې له امنیت سره مرسته کوی وویل ډونالډ ټرمپ باید پوه شی چې امریکا د مینځنی ختیځ د بې ثباتۍ او ناکرارۍ اصلی عامل ده .
دامریکا ولسمشر ټرمپ څه موده مخکې په ټویټر اینټرنیټ پاڼې باندې په یوه خبر کښې ویلی وو که چیرې د مینځنی ختیځ له هیوادونو دامریکا ملاتړ نه وائ دغوهیوادونو به امنیت نه درلود .
د پاکستان دبشری حقوقو وزیرې میرمن شیرین مزاری چې په هیواد کښې دامریکا په سیاستونو نیوکه کونکی مشهور شخصیت ګڼل کیږی د امریکا د ولسمشر ټرمپ دغو څرګندونو ته غبرګون وښود او ویې ویل امریکا د اسرائیلو د نیواکګرۍ ، سلطه غوښتنې او د پوځی توپ په ملاتړ کولو سره مینځنی ختیځ بې ثباته کړی دی .
