دپاکستان استخباراتی ادارې یو خبریال تښتولی
-
دپاکستان خبریالانو د «نيي بات» اردو ژبې ورځپاڼې د مشهور خبریال نصر الله چوهدري په تښتول کیدا اندیښنه څرګنده کړه .
زمونږ خبریال وایی د پاکستان جاسوسۍ ادارې ایی ایس ایی د کراچۍ یو خبریال نصر الله چوهدری له خپل کور څخه وتښتوه .
نصر الله خان چوهدری د پاکستان د« نیی بات» اردو ژبې ورځپاڼې مشهور خبریال دی چې اوس د جاسوسۍ ادارو هغه له خپل کور څخه تښتولی او نامعلوم ځای ته یې منتقل کړی دی .
د پاکستان د فیډرال یونین او جرنلسټ ډلې یوه غونډه پرون په کراچۍ پریس کلب کښې د عمومی سیکرټر سهیل افضل خان په مشرۍ وشوه چې ډیرو خبریالانو پکښې ګډون وکړ .
دپاکستان خبریالانو د «نیی بات» اردو ژبې ورځپاڼې د مشهور خبریال نصر الله چوهدری په تښتول کیدا اندیښنه څرګنده کړه او دغه کار یې د رسنیو په ازادۍ حمله وبلله .
دپاکستان خبریالانو وویل دنصر الله چوهدری تښتول او نیول د خبریالانو د ویرولو پرضد په ټول هیواد کښې د روان اعتراض د له مینځه وړلو لپاره یوه هڅه ده .
په پاکستان کښې له تیرو څو کلونو راهسې جاسوسۍ ادارو ډیر کسان تښتول دی چې تراوسه یې برخلیک معلوم نه دی او ډیر کسان وژل شوی هم دی .
دپاکستان اکثره سیاسی ګوندونو په هیواد کښې دخلکو په تښتول کیدا سخته اندیښنه ښودلی ده او دغه چارې د سمدستی بندیدا غوښتنه یې هم کړی ده .
وړمه ورځ هم د پاکستان په لاهور کښې دامامیه سټوډنټس ارګنایزیشن دوه(۲) مهم غړی تښتول شوی چې تراوسه یې هیڅ پته نشته .