پاکستان د افغانستان د ولسمشر څرګندونې رد کړې

زمونږ خبریال وایی د پاکستان دباندنیو چارو وزیر شاه محمود قریشی د اسلام اباد پرضد د افغانستان د ولسمشر اشرف غنی څرګندونو ته غبرګون وښود .

هغه د پاکستان پرضد د افغانستان دولسمشر اشرف غنی وروستیو څرګندونو ته په اشارې سره وویل دا ډول غیر مسولانه څرګندونې د پاکستان په کورنیو چارو کښې د افغانستان د لاسوهنو دلیل دی .

د پاکستان دخارجه چارو وزیر شاه محمود قریشی زیاته کړه د افغانستان حکومت باید له هر څه زیات د خپلو خلکو په مشکلاتو غور وکړی .

دافغانستان ولسمشر اشرف غنی د پاکستان په خیبر پښتونخوا او بلوچستان صوبو کښې دیوشمیر ټولنیزو فعالانو او د خلکو د سوله ایزو مظاهرو پرضد د تاوتریخوالو په کارولو د کابل دحکومت اندیښنه اعلان کړی وه چې دغه موضوع د پاکستان د چارواکو غوسه ځان پسې لرلی ده .