پاکستان له هندوستان سره د شخړې پاې غواړي

د پاکستان ولسمشر د خپل هیواد او هندوستان ترمینځ د شخړې او اختلافاتو د ختمیدو په ضرورت ټینګار وکړ.

عارف علوي د (یوم پاکستان) په مناسبت د دغه هیواد د پوځي ځواکونو د ګډ پریډ له ختمیدو وروسته چې هندوستان ته د خپل پوځي قدرت ښودل وو، وویل: اسلام آباد له هندوستان سره د تل پاتې صلحې د ټینګولو او له دغه هیواد سره د شخړې د ختمولو غوښتونکی دی.

هغه زیاته کړه چې اسلام آباد په جنګ هیڅ اعتقاد نه لري او غواړي چې له هندوستان سره اختلافات د خبرو اترې له لارې هوار کړي.