هند دپاکستان پرضد بیا حملې کولای شی
-
د هند لخوا یوه(۱) نوي ډرامه او د هند ترکنټرول لاندې کشمیر کښې د پلوامه (Pulwama) په شان یوه (۱) بله پیښه رامینځته کیدلای شي .
زمونږخبریال وایی د پاکستان د بهرنیو چارو وزیر شاه محمود قریشی په ملتان ښار کښې په یوه (۱) خبری کانفرنس کښې په راتلونکو ورځو کښې د هندوستان لخوا دیوې بلې حملې د ترسره کیدا احتمال ته په اشارې سره ایشوا کړه چې د نوی ډیلی لخوا د اپریل دمیاشتې له شپاړسمې (۱۶)تر شلمې(۲۰) نیټې پورې د یوه(۱) بل تیری د ترسره کولو امکان شته .
هغه وویل له مونږ سره باوری استخباراتی راپورونه شته چې هند یو (۱) نوی پلان جوړوی چې له کبله یې د پاکستان پرضد دنوی ډیلی لخوا د یوې(۱) بلې حملې امکان شته .
دپاکستان خارجه وزیر شاه محمود قریشی وویل د هند لخوا یوه(۱) نوی ډرامه رامینځته کیدلای شی او د هند ترکنټرول لاندې کشمیر کښې د پلوامه (Pulwama) په شان یوه (۱) بله پیښه رامینځته کیدلای شی چې هدف یې په پاکستان د ډیپلوماټیک دباو زیاتول او د نوی ډیلی پوځی اقدام ته توجیه ورکول دی .
هغه وویل د پاکستان خارجه وزارت فیصله کړی ده چې دملګروملتونو دامنیت شورا ددایمی غړیو هیوادونو سفیران اسلام اباد ته وروبولی او دوه(۲) ورځې مخکې د پاکستان دخارجه چارو سیکرټر د امنیت شورا د پینځو (۵)دایمی غړو استازی خارجه وزارت ته وربللی وو او هغوې یې دپاکستان له اندیښنې خبرې کړی وو .