اماراتو ته دپاکستان دمشرانو جرګې دمشر سفر لغوه شو
-
د هندوستان د حکومت لخوا دکشمیر د کورواکۍ د لغوه کولو له فیصلي وروسته د پاکستان او دهند ترمینځ تاوتریوالي زیات شوي .
ایرنا خبری اژانس وایی د پاکستان دمشرانو جرګې سینا مشر صادق سنجرانی دکشمیر له کړکیچ سره په یوخت متحده عربی اماراتو ته د هندوستان د لومړی وزیر ناریندرا مودی په سفر باندې اعتراض کښې ابوظهبۍ ته خپل رسمی سفر لغوه کړ .
د پاکستان دمشرانو جرګې مشر صادق سنجرانی په یوې (۱) بیانیې کښې د کشمیر دخلکو له مقاومت دملاتړ د اعلانولو په ترڅ کښې وویل دکشمیر له کړکیچ سره په یووخت متحده عربی اماراتو ته د مشرانو جرګې د لوړرتبه پلاوی سفر د پاکستان دخلکو د روحیې د کمزوری کیدا او د کشمیر دخلکو د ناهیلۍ سبب کیږی .
دهند لومړی وزیر ناریندرا مودی پرون متحده عربی اماراتو ته په خپل دریم (۳) سفر کښې ددغه هیواد له چارواکو سره کتنې او خبرې وکړې .
د هندوستان د ولسی جرګې لوک سبها ( Lok Sabha) لخوا ددغه هیواد تر کنټرول لاندې د کشمیر سیمې د کورواکۍ په لغوه کولو سره د کشمیر دخلکو لپاره شرایط سخت شوی او دغه سیمې ته د هندوانو د مهاجرت او د هندوانو لخوا د کشمیر سیمې ځمکې د اخیستلو زمینه برابره شوی ده .
د هندوستان د حکومت لخوا دکشمیر د کورواکۍ د لغوه کولو له فیصلی وروسته د پاکستان او دهند ترمینځ تاوتریوالی زیات شوی او ورپسې اسلام اباد دنوی ډیلی له دغه اقدام سره د مخالفت په ترڅ کښې له هندوستان سره خپلې اړیکې کمې کړې
