د پاکستان سترې محکمې د جنرال باجوا د دندې تمدیدیدا وځنډوله
ټاکل شوې د پاکستان د پوځ قوماندان جنرال باجوه دنومبر په ۲۹نیټه ریټایرډ شی ، خو عمران خان تر درو کلونو پورې دهغه دماموریت نیټه تمدید کړې ده .
زمونږخبریال راپورراکړ د پاکستان سترې محکمې یا سپریم کورټ مشر قاضی آصف سعید کهوسه نن په یوې فیصلې کې وئیلی دی ، د لومړی وزیر په توګه عمران خان د پوځ دمځکنی ځواک د قوماندان د ماموریت نیټه نشی تمدیدولی اوپه دې زمینې کې یوازې ولسمشر فیصله کوی .
د پاکستان د سپریم کورټ مشر قاضی همداراز د دغه هیواد دلوی څارنوال انور منصور څخه هم غوښتی دی ، څو د جنرال قمر جاوید باجوه دماموریت د دوام لپاره دې د ولسمشر تائید وړاندې کړی .
د پاکستان لوی څارنوال هم د سپریم کورټ دمشر قاضی د اعتراض په ځواب کې ووئیل د پوځ دمشر قوماندان د ماموریت دتمیدیدا په باب به حکومتی کابینه فیصله وکړی . وروستی راپورونه ښئ د عمران خان په مشرۍ د پاکستان دمرکزی حکومت کابینې د جنرال قمر جاوید باجوا د ماموریت د تمیدیدو د فیصلې ملاتړ کړی او وئیلی ئې دی په دې اړه له پوځ سره مټ په مټ ولاړ دی او دغه فیصله د دوی متفقه فیصله ده .
ټاکل شوې د پاکستان د پوځ قوماندان جنرال باجوه دنومبر په ۲۹نیټه ریټایرډ شی ، خو عمران خان تر درو کلونو پورې دهغه دماموریت نیټه تمدید کړې ده .