د پاکستان پخوانی واکمن ته د مرګ سزا واورول شوه
زمونږ خبریال وایی د پاکستان سترې محکمې د خیانت د دوسیې په ارتباط د پخوانی ولسمشر پرویز مشرف د اعدام حکم ورکړ .
د پاکستان د پخوانی ولسمشر پرویز مشرف د محاکمې د ځانګړی محکمې دریو (۳) قاضیانو شاهد کریم ، نذر اکبر او وقار احمد سیټهی د هغه د اعدام حکم ورکړ .
د پاکستان دسترې محکمې د رایې تفصیل به په راتلونکو اتوڅلویښتو (۴۸) ساعتونو کښې خپور شی .
دا په داسې حال کښې دی چې د پاکستان حکومت د پخوانی ولسمشر پرویز مشرف په دوسیې باندې له سره د غور کولو غوښتونکی دی .
د پاکستان دکورنیو چارو وزارت د پرویز مشرف په جسمی ډول تر ښه کیدا پورې د هغه د دوسیې د تعقیبولو د کار د بندولو غوښتنه کړی وه .
د پاکستان پخوانی ولسمشر پرویز مشرف حاضردمه په دوبۍ کښې په یوه (۱) روغتون کښې دی .
د پاکستان سترې محکمې وویل پرویز مشرف د ۲۰۰۷میلادی کال د نوامبر د میاشتې په دریمه (۳) نیټه د هیواد اساسی قانون وځنډوه او د قوانینو خلاف ورزۍ یې وکړه او اوس هغه د مجرم په پیژندل کیدا سربیره په مرګ سزا محکومیږی .
دا د پاکستان په تاریخ کښې لومړی ځل دی چې یو (۱) پخوانی پوځی واکمن هیواد ته د ستر خیانت په تور په اعدام محکومیږی .