د پاکستان نور ښاریز په کورونا ویروس ککړ شوي
زمونږ خبریال وايي د پاکستان یوسل پینځه (۱۰۵) ښاریز چې له متحده عربي اماراتو څخه هیواد ته ورستانه شوي دي په کورونا ویروس ککړ دي .
د پاکستان د پنجاب صوبې د راولپنډۍ سیمې ډپټي کمشنر متقاعد کپتان انورالحق نن وویل د هیواد یوسل پینځه (۱۰۵) ښاریز چې له متحده عربي اماراتو څخه اسلام اباد ته په الوتکه کښې راغلي دي په کورونا ویروس ککړ دي .
د فارس خلیج له عربو هیوادونو څخه د پاکستان په ستنیدونکو ښاریزو کښې د کورونا ویروس زیاتیدا د اسلام اباد په حکومتي چارواکو کښې اندیښنې رامینځته کړي دي او د ملي امنیت په چارو کښې د لومړي وزیر عمران خان ځانګړي مرستیال ډاکټر موید یوسف وویل د کورونا ویروس د مسلې په هکله د متحده عربي اماراتو له چارواکو سره خبرې شوي دي .
هغه وویل تراوسه د فارس خلیج له عربو هیوادونو څخه کابو شپاړس زره (۱۶۰۰۰) پاکستانیان بیرته هیواد ته راستانه شوي دي چې اکثره یې په کورونا ویروس ککړ دي .
په پاکستان کښې کورونا ویروس له سعودي عربستان او متحده عربي اماراتو او نورو عربو هیوادونو څخه د ستنو شویو کسانو په وسیله خپور شوی.
