د مسلمانانو د مقدساتو سپکاوی د صهیونزم دسیسه ده

په پاکستان کښې د ایران سفارت وویل: د اسلامي زیارتونو او سپيڅلو ځایونو بې حرمتي د اسلام د دښمنانو په تیره بیا صهیونزم له خوا د اسلامي فرقو د منونکو ترمینځ د تفرقې په موخه یو سپک جنایت دی چې په وړاندې یې باید هوښیار ووسو.

په پاکستان کښې د ایران سفارت وویل: د اسلامي زیارتونو او سپيڅلو ځایونو بې حرمتي د اسلام د دښمنانو په تیره بیا صهیونزم له خوا د اسلامي فرقو د منونکو ترمینځ د تفرقې په موخه یو سپک جنایت دی چې په وړاندې یې باید هوښیار ووسو.

په پاکستان کښې د ایران د سفارتخانې مطبوعاتي برخې پرون په سوریې کښې د اهل تسنن د مقدسو زیارتونو د خرابیدو په هکله د ځینو جعلي خبرونو د خپریدو او په اسلامي ایران پورې د دغه کار د تړلو د شیطاني ډرامې په غبرګون کښې دغه خبر دروغ وباله او ویې غنده.

په اسلام آباد کښې د ایران د سفارت په خبرپاڼه کښې راغلي دي: د مسلمانانو د احترام وړ شخصیتونو د مقبرې هر ډول سپکاوی او د مقدسو ځایونو خرابول د اسلام په مبین دین کښې هیڅ ځاې نه لري او د دې جنایت ترسره کونکي یقیناً چې د دې اسماني دین په هکله سمه پوهه نه لري او د پروردګار په وړاندې د دې کار ځواب ته مجبوره دي.

په دغې بیانیې کښې له جرنلسټانو، خبریالانو او د رسنیو له خاوندانو غوښتنه شوې چې د خپلې رسندوي دندې او مسئولیت مطابق د هر ډول پروپاګنډې او جعلي سناریو له خپرولو ډډه وکړي.