بلاول بوټو زرداري په حکومت سخته نیوکه وکړه
زمونږ خبریال وايي د پاکستان تحریک انصاف د پینځو (۵) خپلواکه کاندیدانو په یوځاې کیدا سره په ګلګت بلتستان کښې د حکومت د جوړولو جوګه شوی دی او د پیپلز ګوند مشر بلاول بوټو زرداري ادعا وکړه چې په اسلام اباد کښې د تحریک انصاف حکومت به د راتلونکي میلادي کال په جنورۍ میاشت کښې له واک څخه لیرې کړي .
د پاکستان د پیپلز ګوند مشر بلاول بوټور زرداري پرون له خبریالانو سره په مرکه کښې وویل مونږ به د تحریک انصاف ګوند مشر عمران خان له قدرت څخه لیرې کړو ځکه چې هغه په هر میدان کښې که هغه د کشمیر موضوع وي او که د کورونا ناروغۍ وي ناکامه شوی دی .
بلاول بوټو زرداري وویل د تحریک انصاف حکومت وړتیا نلري .
د پاکستان د پیپلز ګوند مشر بلاول بوټو زرداري د ګلګت بلتستان د خلکو ستاینه وکړه چې په سیمه کښې د حکومت د جوړولو لپاره یې د تحریک انصاف کار مشکل کړی دی او هغه په انتخاباتو کښې په بریالیو کاندیدانو غږ وکړ چې خپل بریالیتوب په حکومت مه خرڅوي کوم چې زر په ختمیدا دی .
بلاول بوټو په انتخاباتو کښې له بریالی شویو خپلواکه کاندیدانو وغوښتل چې د ګلګت بلتستان سیمې د خلکو د حقوقو دفاع وکړئ او د دوو (۲) یا دریو (۳) میاشتو لپاره دې وزیران مه جوړیږئ .
هغه د ګلګت بلتستان سیمې د انتخاباتو د کمیسیون په مشر تور ولګاوه چې په انتخاباتو کښې یې طرفداري کړي ده .
