د پاکستان ولسمشر اسلامی امت اتحاد او یووالی ته راوبلۀ
د پاکستان ولسمشر د اسلامی امت د وحدت او یووالی غوښتنه وکړه.
د پاکستان د رېډو د رپوټ له مخې د دغه هېواد ولسمشر ممنون حسېن پرون په اسلام آباد کښې د قطر له سفیر صدر بن مبارک المنصوری سره په کتنه کښې دې ته په اشارې سره چې اسلام د سولې او روغې جوړې دین دے له اسلامی هېوادونو وغوښتل چې له یو بل سره دې یوموټے شی.
د پاکستان ولسمشر څرګنده کړه چې اسلامی هېوادونه پکار دی د یو سیاست په غوره کولو سره له ترهه ګرۍ سره جنګ ته راپاڅی.
هغۀ زیاته کړه، ځینې تندلاری د اسلام له مبین دین څخه د پېروۍ په ادعا سره د دغه مبین دین د څېرې او حېثیت د خړپړولو په حال کښې دی.
ممنون حسېن دې ته په اشارې سره چې اسلام د روغې جوړې دین دے او د بې ګناه خلقو د وژلې اجازه نه ورکوی وویل هغه کسان چې د دین په نامه عامه خلق وژنی له اسلامه خارج شوی دی.
د پاکستان د ولسمشر څرګندونې په داسې حال کښې دی چې قطر، سعودی او ترکیه په سوریې کښې د بحران له ابتداء څخه په دغه هېواد له موجودو ترهه ګرو څخه ملاتړ کوی.