پارس ټوډی- د کوثر او هدهد په نامو دوه ایراني سپوږمکۍ د روان کال په مني یا خزان کښې توغول کیږي.
پارس ټوډی ـ د ایران فضايي صنعت تیر هجري لمریز کال (۱۴۰۲)په اوو سپوږمکیو توغولو سره ښه لاره کچ کړه او اټکل کیږي د فضايي اډې او د شلو سپوږمکیو په جوړولو سره نوی کال هم له رونق څخه ډک ووسي.
د ایران د ساینسدانانو په ترور او حذفوفو کې د ایران د دښمنانو په تیره بیا د امریکا او صهیونیسټي رژيم هڅه هم نه ده توانیدلې،د ایران د توغندوي صنائعو او تخنیکي پوهې دپراختیا خنډ شي.
د سباوون د لسیزې او د اسلامي انقلاب د بریا د پنځه څلویښتمې کلیزې په درشل کښې ایران د "مهدا"، "کیهان ۲" و "هاتف ۱" په نومونو درې سپوږمکۍ د ځمکې ۴۵۰کیلومیټري مدار کښې راغلې.
د اسلامي انقلاب د سپاهِ پاسداران مشر قومندان د «نور» سپوږمکۍ توغولو ته په اشارې سره وویل: د علمي محاصرې په پړاؤ کښې د سیټلایټ لیږل یو ډیر ستر کار دی.
د ایران د اسلامي جمهوریت د ارتباطاتو او د ټیکنالوژۍ وزیر عیسی زارع پور فضا ته د ایران د کابو دوو نورو سپوږمکیو د استولو خبر ورکړ.