د ۲۰۲۶ کال د فوټبال نړیوال جام آسپانیا خپل کړ
اسپانیا د دلافوئنټې د لوبغاړو د طلایي بدلونونو په مټ په زړه پورې نړیواله اتلولي خپله کړه؛ ارجنټاین او مېسي د «کوسه» قرباني شول.
د هسپانیا د فوټبال ملي لوبډلې د ۲۰۲۶ کال د نړیوال جام په پایلوبه کې د ارجنټاین ملي لوبډلې ته ۱-۰ ماتې ورکړه او د دغو سیالیو اتلولي او نړیوال جام ئې خپل کړ.
د ایرنا خبري اژانس د راپور له مخې، د اسپانیا او ارجنټاین د ملي لوبډلو ترمینځ دفټبال د ۲۰۲۶ کال د نړیوال جام د پایلوبې سیالي د امریکا په متلایف (MetLife) لوبغالي کې د بیګا شپې په ۱۰:۳۰ بجو د سلووینیائي ریفری سلاوکو وینچیچ په قضاوت ترسره شوه، چې په پاي کې هسپانیا وکولای شول سیالي په ۱-۰ وګټي.
ا سپانیا، چې د لوئیس دلافوئنته تر روزنې لاندې ئې لوبه کوله، یوازې د یو ګول په خوړلو سره دې پړاو ته رسېدلې وه، او همدا یوازینی ګول ئې هم د بلجیم پر وړاندې منلی و. لا روخا په نیمه پایلوبه کې فرانسې ته هم ماتې ورکړه او د ۲۰۱۰ کال له اتلولۍ وروسته د لومړي ځل لپاره د نړیوال جام پایلوبې ته ورسېدله.
په بل لوري کې، ارجنټاین د یوې سختې لارې له تېرېدو او د مصر، سویس او انګلستان پر وړاندې د څو ډراماټیکو او سختو لوبو وروسته، د دوهم پرلهپسې ځل لپاره پایلوبې ته لاره پیدا کړه.
تر دې لوبې وړاندې، دواړو لوبډلو د نړیوال جام په سیالیو کې یوازې یو ځل، په ۱۹۶۶ کال کې، یو د بل پر وړاندې لوبه کړې وه چې ارجنټاین هغه مهال ۲-۱ بریالی شوی و.
په دوستانه سیالیو کې، هسپانیا ۶ بریاوې، ارجنټاین ۵ بریاوې او ۲ لوبې مساوي ثبت کړې وې. د دواړو لوبډلو وروستۍ مخامخ لوبه په ۲۰۱۸ کال کې ترسره شوې وه، چې هسپانیا پکې ارجنټاین ته په ۶-۱ ستره ماتې ورکړې وه.
البته راپورونه ښئ چې ډیری کارپوهانو دغه لوبه د فلسطین او اسرائیلو ترمینځ یوه کوتلې سیالي بللې او په زغرده ئې وئیلي چې د فلسطین پلویانو د اسرائیلو پلویانو ته په زړه پورې ماته ورکړه.
